मेरा औण से हर्ष हवे कै

मेरा औण से हर्ष हवे कै -2 व्हेल्यो त, मेरा औण से हर्ष हवे कै -2 व्हेल्यो त, 
ना हो मेरा जाणा कु दुःख कै न हो, दुःख कै न हो 
मेरा सुख मा हैंसणा कु न्यूतू सभु कू 
मेरा दुःख मा रोणा कू हक कै न हो, हक कै न हो 
.  मुलूक हो पराया, खुद हो तुम्हारी, मुलूक हो पराया खुद हो तुम्हारी 
पीड़ा हो कि ज्वा आज तक सै न हो, आज तक सै न हो 
. 
बडूल्यूं मा रैबार भेजी नि ऐनी, बडूल्यूं मा रैबार भेजी नि ऐनी 
क्या सुपिन्यम भी आणा कु बकत रै न हो, बकत रै न हो 
. 
कख रिबड़ीनि खुटी वो, किले नि बौडी होली, 
कख रिबड़ीनि खुटी वो, किले नि बौडी होली 
कखी सौतेला बाठों न भक्लै न हो, भक्लै न हो 
. 
ज्वनि ह्वेगी माटू, ढून्गू व्हे पराण, 
ज्वनि ह्वेगी माटू, ढून्गू व्हे पराण, 
कभी सुख ऐ जालू त रगरै न हो रगरै न हो 
. 
मेरा औण से हर्ष हवे व्हेल्यो त कै, 
ना हो मेरा जाणा कु दुःख कै न हो, दुःख कै न हो 
मेरा सुख मा हैंसणा कु न्यूतू सभु कू 
मेरा दुःख मा रोणा कू हक कै न हो, हक कै न हो